Spennandi verkefni – Optigear fyrir togveiðiskip

Undanfarið höfum við hjá Trackwell unnið að spennandi verkefni í samvinnu við Naust Marine og fleiri aðila. Um er að ræða fyrsta kerfi sinnar tegundar, sem ætlað er að auka hagkvæmni við togveiðar með bættu aðgengi að upplýsingum um beitingu veiðarfæra og umhverfisaðstæður. Frumgerð Optigear er nú í prófunum um borð í einum af nýju ísfiskstogurum HB Granda, þar sem safnað er rauntímaupplýsingum frá togvindukerfi, veiðarfæranemum, umhverfisskynjurum og afladagbók í sameginlegan gagnagrunn. Skipstjórinn fær greinargott yfirlit um notkun veiðarfæra og aðgengi að upplýsingum um fyrri veiðiferðir. Þannig má sjá nákvæmlega hvernig veiðarfærum var beitt á veiðisvæðum sem skiluðu góðum afla. Fyrir hvert kast er sjálfkrafa skráð hvenær troll fer út, hlerum sleppt, tog hefst, hvenær híft er og poki losaður. Allar upplýsingar um togátak, víralengd, dýpi og afstöðu hlera, ásamt umhverfisþáttum og staðsetningum eru skráðar. Gögnin eru tekin saman og send í land þar sem útgerðir fá upplýsingar í rauntíma um úthald, helstu þætti og frávik. Með leyfi útgerða, gefst veiðarfæraframleiðendum og rannsóknaraðilum kostur á að nýta gögnin við framþróun búnaðar. Stefnt er að því að ljúka prófunum frumgerðar í haust og í framhaldi mun lausnin verða kynnt fyrir útgerðum togskipa. Verkefnið er styrkt af Tækniþróunarsjóði. Nánari upplýsingar um Hafsyn og Optigear veitir Hafsýnar hópurinn í síma...

Trackwell með erindi á Sjávarútvegsráðstefnunni 2016

Sjávarútvegsráðstefnan 2016 verður haldin í Hörpu dagana 24.-25. nóvember. Að þessu sinni mun Steingrímur Gunnarsson vörustjóri Hafsýn halda erindi í málstofunni “Tæknibreytingar við fiskveiðar og fiskleit” Heiti erindisins er “Hvernig er hægt að nýta skráningar frá Afladagbókum við skipulag veiða?”. Það er haldið í Málstofu C1, kl. 13.00 þann 24. nóvember. Frá árinu 2011 hafa öll íslensk fiskiskip með kvóta, skráð í rafrænar afladagbækur. Auk afla og staðsetninga eru skráðir þættir eins og sjávarhiti, dýpi og ítarlegar upplýsingar um veiðarfæri.  Í hluta flotans eru einnig skráðar vinnslu-, stærðar- og gæðaupplýsingar. Sýnd verða dæmi um hvernig hægt er að vinna úr og birta þessar upplýsingar þannig að þær nýtist við upplýsta ákvörðun um framhald veiða. Hægt er að nálgast erindið á vef Sjávarútvegsráðstefnunar...

Trackwell kynnir Hafsýn í Laugardalshöll

Trackwell mun kynna HAFSÝN á sýningunni Sjávarútvegur 2016 sem haldin verður dagana 28.-30. september. Hafsýn er ný lausn fyrir skráningar og miðlun upplýsinga á veiðum og vinnslu um borð sem nýtist skipstjórnarmönnum, útgerð og vinnslu í landi. Þróun kerfisins var unnin í samstarfi við íslensk sjávarútvegsfyrirtæki með það að markmiði að koma til móts við auknar kröfur greinarinnar bæði hérlendis og erlendis. Hafsýn er gædd ýmsum nýjungum og má helst nefna ný skráningarviðmót, öruggari samskiptaleið frá skipum, bætt notendaviðmót, viðbætur í kortum og skýrslum og siglingavöktun. Við munum taka vel á móti ykkur á bás B-27, í...

Trackwell VMS stýrir fiskveiðieftirliti fjögur þúsund skipa í Kyrrahafinu

Trackwell er sönn ánægja að greina frá því að fyrirtækið hefur nú innleitt tvö ný fiskveiðieftirlitskerfi (e. Vessel Monitoring System, VMS) í Kyrrahafinu hjá Fiskveiðiráði Kyrrahafseyjanna (Pacific Islands Forum Fisheries Agency, FFA) og Fiskveiðnefnd Vestur- og Mið Kyrrahafs (Western and Central Pacific Fisheries Commission, WCPFC). Hafsvæðið sem heyrir undir þessar stofnanir er um 100 milljónir ferkílómetra að flatarmáli og sér Trackwell um rekstur á kerfinu í samvinnu við skýjaþjónustu Amazon í Ástralíu. Tuttugu og sex ríki eiga aðild að FFA og WCPFC, en auk þeirra eru sjö þátttökuríki með takmarkaða aðild, og önnur sjö sem standa utan aðildar en taka þátt í samstarfinu. Trackwell VMS gerir notendum kleift að fylgjast með margvíslegum þáttum í atferli þúsunda skipa í rauntíma. Þannig geta ríki og stofnanir sinnt eftirliti með sinni efnahagslögsögu, ásamt veiðum á afmörkuðum svæðum. Kerfið heldur utan um veiðar skipa og sér um samskipti þeirra milli aðildarþjóða. Ný kynslóð af Fiskveiðieftirlitskerfi Trackwell fiskveiðieftirlitskerfið er í grunninn það sama og það sem gjarnan er nefnt „Fjareftirlitskerfið“ á Íslandi. Kerfið verið sniðið sérstaklega að þörfum stofnana og býður upp á víðtæka vöktun skipa, og ýmsa eftirlits valkosti. Ein af helstu nýjungunum sem Trackwell VMS hefur nú að bjóða er að nú hafa allar aðildarþjóðir FFA og WCPFC aðgang að kerfinu, og að þeim hafsvæðum og þeim skipum sem heyra undir viðkomandi þjóð. Einnig gerir kerfið samstarfs- og aðildarríkjum FFA og WCPFC kleift að veita öðrum aðildarríkjum aðgang að sínum upplýsingum innan kerfisins ef þau svo kjósa, sem eykur stórlega yfirsýn yfir hafsvæðið og þau skip sem þar stunda veiðar. Þessari upplýsingamiðlun geta ríkin stýrt og afmarkað að vild. Trackwell VMS í...

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Trackwell
Laugavegi 178
105 Reykjavík, Iceland

Fréttir

Spennandi verkefni – Optigear fyrir togveiðiskip

Undanfarið höfum við hjá Trackwell unnið að spennandi verkefni í samvinnu við Naust Marine og fleiri aðila. Um er að ræða fyrsta kerfi sinnar tegundar, sem ætlað er að auka hagkvæmni við togveiðar með bættu aðgengi að upplýsingum um beitingu veiðarfæra og umhverfisaðstæður. Frumgerð Optigear er nú í prófunum um... Lesa meira

Vísir hlaut Þekkingarverðlaunin 2018

Sjávarútvegsfyrirtækið Vísir hf. hlaut Íslensku þekkingarverðlaun Félags viðskiptafræðinga og hagfræðinga í ár. Við val á þekkingarfyrirtæki ársins 2018 var horft til þeirra fyrirtækja sem eru leiðandi í stafrænum lausnum og hafa með nýsköpun í tækni bætt rekstrarumhverfi fyrirtækisins, að því er kemur fram í fréttatilkynningu frá Félagi viðskiptafræðinga og... Lesa meira

Hafsýnar molar – febrúar 2018

Nokkrar nýjungar hafa bæst við í Hafsýnar viðmótinu sem við viljum benda ykkur á. Kortastillingar Hægt er að velja nokkrar mismunandi gerðir af grunnkortum með því að smella á Breyta sýn, hægra megin yfir korti. Einnig er hægt að velja viðbætur eins og Dýptarkort og Veiðisvæði. Skýrslur í viðmóti... Lesa meira