Spennandi verkefni – Optigear fyrir togveiðiskip

Undanfarið höfum við hjá Trackwell unnið að spennandi verkefni í samvinnu við Naust Marine og fleiri aðila. Um er að ræða fyrsta kerfi sinnar tegundar, sem ætlað er að auka hagkvæmni við togveiðar með bættu aðgengi að upplýsingum um beitingu veiðarfæra og umhverfisaðstæður. Frumgerð Optigear er nú í prófunum um borð í einum af nýju ísfiskstogurum HB Granda, þar sem safnað er rauntímaupplýsingum frá togvindukerfi, veiðarfæranemum, umhverfisskynjurum og afladagbók í sameginlegan gagnagrunn. Skipstjórinn fær greinargott yfirlit um notkun veiðarfæra og aðgengi að upplýsingum um fyrri veiðiferðir. Þannig má sjá nákvæmlega hvernig veiðarfærum var beitt á veiðisvæðum sem skiluðu góðum afla. Fyrir hvert kast er sjálfkrafa skráð hvenær troll fer út, hlerum sleppt, tog hefst, hvenær híft er og poki losaður. Allar upplýsingar um togátak, víralengd, dýpi og afstöðu hlera, ásamt umhverfisþáttum og staðsetningum eru skráðar. Gögnin eru tekin saman og send í land þar sem útgerðir fá upplýsingar í rauntíma um úthald, helstu þætti og frávik. Með leyfi útgerða, gefst veiðarfæraframleiðendum og rannsóknaraðilum kostur á að nýta gögnin við framþróun búnaðar. Stefnt er að því að ljúka prófunum frumgerðar í haust og í framhaldi mun lausnin verða kynnt fyrir útgerðum togskipa. Verkefnið er styrkt af Tækniþróunarsjóði. Nánari upplýsingar um Hafsyn og Optigear veitir Hafsýnar hópurinn í síma...

Vísir hlaut Þekkingarverðlaunin 2018

Sjávarútvegsfyrirtækið Vísir hf. hlaut Íslensku þekkingarverðlaun Félags viðskiptafræðinga og hagfræðinga í ár. Við val á þekkingarfyrirtæki ársins 2018 var horft til þeirra fyrirtækja sem eru leiðandi í stafrænum lausnum og hafa með nýsköpun í tækni bætt rekstrarumhverfi fyrirtækisins, að því er kemur fram í fréttatilkynningu frá Félagi viðskiptafræðinga og hagfræðinga. Í rökstuðningi dómnefndar segir meðal annars að Vísir hafi náð eftirtektarverðum árangri í rekstri sínum og aukið framleiðni og skilvirkni með innleiðingu og þróun stafrænna lausna. Vísir hafi með innleiðingu stafrænna lausna náð hagræðingu í rekstri með virkri stýringu flotans og með nýtingarauka og hærra hlutfalli í betur borgandi afurðir.  Tæknin opni þann möguleika að Vísir klári framleiðsluferlið beint í neytendapakkningar sem sparar milliflutninga og milliumbúðir og það sé stórt skref í átt að minnkun kolefnisspors sjávarútvegsins. Vísir hf. var eitt fyrsta sjávarútvegsfyrirtækið að nýta sér Hafsýnar lausnina og undanfara hennar. Allt frá árinu 2004 hefur Vísir hf skráð upplýsingar um staðsetningar lagna, afla og beitunotkun allra skipa sinna. Frá árinu 2007 hafa gögn úr landvinnslu, eins og stærðardreifing verið samkeyrð með aflagögnun. Fyrirtækið býr því yfir gríðarlega umfangsmiklum upplýsingum um veiðar og ástand nytjastofna í kringum Ísland sem það hefur markvisst nýtt til að auka hagræði við veiðar og vinnslu. Við hjá Trackwell óskum Vísis-fólki til hamingju og þökkum fyrir samstarfið á liðnum árum og hlökkum til frekari samstarfs í...

Hafsýnar molar – febrúar 2018

Nokkrar nýjungar hafa bæst við í Hafsýnar viðmótinu sem við viljum benda ykkur á. Kortastillingar Hægt er að velja nokkrar mismunandi gerðir af grunnkortum með því að smella á Breyta sýn, hægra megin yfir korti. Einnig er hægt að velja viðbætur eins og Dýptarkort og Veiðisvæði. Skýrslur í viðmóti Við höfum verið að vinna að viðbótum í skýrslum í Hafsýnar viðmótinu og má þar nefna Úthald sem er undir valmyndinni Floti sem sýnir samantekt á úthaldi skips, ásamt niðurbroti yfir valið tímabil. Sjálfvirkar skýrslur Viðskiptavinum Hafsýnar hefur boðist að fá sendar skýrslur í tölvupósti með afla um borð og aflabrögð síðasta sólarhings. Auðvelt er að stjórna því hverjir fá sendar skýrslur og hvort þær komi á morgnana eða á kvöldin. Við erum að taka í notkun nýtt skýrslugerðartól sem mun gera okkur kleyft að stjórna betur útliti og innihaldi skýrsla, eftir óskum hvers og...

Baffin Fisheries með Hafsýn

Hafsýn afla- og framleiðsluskráningarkerfi var nýlega sett upp um borð í kanadíska frystiskipinu MV Sivulliq sem er í eigu Baffin Fisheries. Hafsýn lausnin einfaldar skráningu um borð og gerir stjórnendum í landi kleift að fylgjast með veiðum og vinnslu um borð. Kanadísk fiskveiðiyfirvöld hafa gefið út að árið 2019 verði rafrænar afladagbækur fyrir úthafsveiði lögbundnar og er fyrirtækið einnig að aðlaga sig að því með innleiðingu Hafsýnar lausnarinnar. Baffin Fisheries er með höfuðstöðvar í Iqaluit og er í eigu Inuíta í Kanada. Fyrirtækið rekur fjögur skip og stundar veiðar og vinnslu á grálúðu og úthafsrækju (Borealis og...

Velkomin á Hafsýnar básinn í Smáranum

Trackwell mun kynna Hafsýn á Sjávarútvegssýningunni í Smáranum 13.-15. september. Á sýningunni verður megináhersla lögð á að kynna nýjungar í Hafsýn sem nýtast skipstjórnendum. Þar á meðal nýtt viðmót þar sem auðvelt er að fletta upp eldri köstum og skoða ítarlegar upplýsingar um afla, veiðarfæri, togferil og umhverfisþætti. Trackwell er í samstarfi við Naust Marine og fleiri um söfnun upplýsinga frá togvindukerfi og veiðarfæraskynjurum og framsetningu þeirra í viðmóti Hafsýnar um borð. Þú ert velkominn að koma á bás okkar, H-44 og kynna þér möguleika Hafsýnar. Við hlökkum til að sjá þig og munum taka vel á móti...

Nýtt Hafsýnar vefviðmót

Ný kynslóð af vefviðmóti Hafsýnar, sem er með mörgum spennandi nýjungum, er nú komin í loftið. Viðmótið er þegar aðgengilegt fyrir viðskiptavini okkar og veitir góða yfirsýn yfir afla, veiðiferðir, úthald og framleiðslu um borð. Flestar stærri útgerðir á Íslandi eru að nýta sér þjónustuna, ásamt nokkrum erlendum sjávarútvegsfyrirtækjum við N-Atlantshaf Hafsýn er sérstaklega hannað til að nýtast sem best fyrir allar helstu gerðir af snjalltækjum, sem gefur notendum færi að að fá rauntímaupplýsingar beint í símann eða spjaldtölvuna. Viðtökur notenda hafa verið mjög góðar og kerfið er einfalt í notkun. Í kerfinu eru helstu lykiltölur fyrir stjórnendur dregnar saman á aðgengilegan hátt og einnig er hægt að skoða upplýsingar á kortum, gröfum og skýrslum. Aðgangi er stýrt með notendanafni og lykilorði og kerfisstjórar hjá hverju fyrirtæki geta stýrt aðgangi annarra starfsmanna. Einnig er hægt er að skipta um tungumál á viðmóti með einum...

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Trackwell
Laugavegi 178
105 Reykjavík, Iceland

Fréttir

Spennandi verkefni – Optigear fyrir togveiðiskip

Undanfarið höfum við hjá Trackwell unnið að spennandi verkefni í samvinnu við Naust Marine og fleiri aðila. Um er að ræða fyrsta kerfi sinnar tegundar, sem ætlað er að auka hagkvæmni við togveiðar með bættu aðgengi að upplýsingum um beitingu veiðarfæra og umhverfisaðstæður. Frumgerð Optigear er nú í prófunum um... Lesa meira

Vísir hlaut Þekkingarverðlaunin 2018

Sjávarútvegsfyrirtækið Vísir hf. hlaut Íslensku þekkingarverðlaun Félags viðskiptafræðinga og hagfræðinga í ár. Við val á þekkingarfyrirtæki ársins 2018 var horft til þeirra fyrirtækja sem eru leiðandi í stafrænum lausnum og hafa með nýsköpun í tækni bætt rekstrarumhverfi fyrirtækisins, að því er kemur fram í fréttatilkynningu frá Félagi viðskiptafræðinga og... Lesa meira

Hafsýnar molar – febrúar 2018

Nokkrar nýjungar hafa bæst við í Hafsýnar viðmótinu sem við viljum benda ykkur á. Kortastillingar Hægt er að velja nokkrar mismunandi gerðir af grunnkortum með því að smella á Breyta sýn, hægra megin yfir korti. Einnig er hægt að velja viðbætur eins og Dýptarkort og Veiðisvæði. Skýrslur í viðmóti... Lesa meira